HOME / Caldonazzo (Trentino). / LA STORIA DE CALDONAZZO - DIALETTALE



Right menu

Cerca

Calendario Attività

Calendario Sezioni

Login Form

Nome utente

Password

Hai dimenticato la password?

LA STORIA DE CALDONAZZO - DIALETTALE

www.caldonazzofolk.it

Traduzione in dialetto "Panizaro" di Rosa Maria Campregher.

La storia de Caldonazzo la gà radiss lontane nel tempo e questo se ‘l sa perché dopo la metà del ‘800,sul dosso dei Lunari è stà trovà ‘na manara de bronzo e altri tochi de ordegni dei tempi antichi.
I primi a vegnir ‘n te ste tere l’è stà i Euganei e i Illiri che i era pastori, po’ è vegnù i Romani che i à fato passar chi vizin la via Claudia Augusta Altinate che la neva da l’Adriatico fin fora‘n Germania.
Anca de lori è restà testimonianze; monede,resti de armi, tochi de vasi,scudele,zenture.Vizin a San
Valentin è stà trovà ‘na lapide cristiana del ‘500 d.C. che adesso la è conservada ‘n la nossa cesa.
Altre popolazion è passà e sa stabilì ‘n te la zona, tra i altri i Longobardi e i Franchi.Proprio ‘n piaza
Municipio i à rinvenù ‘n soldo del tempo de Carlo Magno.
‘Ntorno al miliezento ‘l Principe Vescovo de Trento,che per conto de l’Imperator ‘l comandava tra’l
resto tuta l’Alta Valsugana, ‘l gà dato ‘n consegna ‘l teritorio a ‘na famiglia de nobili, i Signori di
Caldonazzo.
Al inzirca ‘n quel tempo’l paese ‘l scominziava a crescer e soto le Rive se formava i primi“colmei”:
Polla, Gelmini, Urbanelli e Iseppi.
‘N t’el 1200 Geremia e Alberto di Caldonazzo i sa fato dar dal Vescovo ‘l permesso de tirar su ‘n
Castel su ‘n le Rive,sora le case.
Da alora i sà ciamadi Signori di Castronuovo.‘L pù importante de‘sta dinastia, quel che ancora i no-
mina l’è sta’ ‘l Siccone, che l’à slargà i so domini su tuti i castei de la Valsugana e l’à fato contro e resistì ai potenti de alora: i Conti del Tirolo,i Carraresi e i Scaligeri.
Deve esser sta’ tempi duri per i Caldonazzari, che i se trovava ‘n mezo a ‘ste beghe e ‘sti gazeri, come quando i Vicentini i è vegnudi zo dal Menador e i gà dato fogo al paese e distrutto el castel.
Per contarla ‘n pressa, la dinastia dei Sicconi l’ ei finida nel 1420, sconfiti da Federico Tascavuota
che nel 1424 l’è deventà elo Signore de Caldonazzo e de le tere vizine.
Nel 1461 ‘l Castel e la Giurisdizion le è stade vendute per 8600 fiorini a la famiglia Trapp che subi-
to l’à ricostruì ‘l Castel la “Magnifica Corte”, ‘ndove i Sicconi i abitava dopo la distruzione del Ca-
stel de le Rive, e ‘ndove “se tegniva la giustizia”.
I Trapp i è restadi al governo per ‘n pezzo, fin quasi al 1800 e per Caldonazzo l’è stà n’epoca aba-
stanza tranquila.
Bisogna ricordar però la distruzione de Caorso nel 1758 a cagion dele continue inondazion de la Zenta, 41 case ricostruide al “prà dele Roze”, da alora “le case nove”. ‘N’altro pericol l’ era i foghi,
come l’incendio de la Villa, ricordà ancora adeso con la messa votiva de l’ultimo de l’an.
Dal ‘800 ala prima Guera la region la feva parte del Tirolo.La zente la viveva con quel che deva la campagna e la tirava su qualcossa coi cavaleri.
Per la so posizion Caldonazzo la sa trovada ‘n mezo ai preparativi e ale conseguenze de la guera.
Dal1914 i omeni i era al fronte ‘n Galizia e i primi de giugno del ’15 la nossa zente l’à dovesto las-
sar tuto e nar ‘n Moravia e ‘n le barache de Mittendorf. ‘Ntanto per “motivi bellici” i austriaci i feva
saltar la Tor dei Sicconi e minar e brusar Brenta.E’ passà tanto tempo, ma ancora se parla de quei fati.
Adeso Caldonazzo l’èi cambiada la sa ‘ngrandida al posto dei campeti ghè pomari e ‘n do ghera
canele e paludi ghè campeggi, sen ‘n po’ pù siori sen 3000 abitanti e no ne conoscen pù ben come
‘n tempo, ma vardan avanti con tanta fiducia come i à sempre fato i nossi veci.