LA LEGGENDA DEL LAGO DE CALDONAZZO

Proprio lì soto la Marzola’n tempi lontani ghèra na zità ciamada Susa, siora e piena de richeze, zircondada da grosi muri e piena de casoni de siori. La Zente l’èra propri siora ‘n quanto tuta la tera vezina e’n torno l’èra solo per lori; la pora zente ‘n veze e i contadini, la viveva nele so pore casote senza conforti e anca ‘n poco malsane.

Propri davanti a susa, soto el col de Tena, g’èra ‘naltra zità, che la se ciamava Caldòn, anca ela co le so grandi richeze e i zitadini proprio perché’ i èra massa siori noi conoseva la miseria e gnanca la fadiga, i èra deventadi, ‘n soma, come se dis deboi de còr e i aveva fato anca na lege che no la permeteva a nessun acaton gnanca de nar dentro ‘n zità. Se i ciapava qualche ‘dun i lo frustava a sangue. Alora ogni volta che se presentava ‘n poreto e magari anca vecioto, che ‘l domandava ‘n soldin o ‘n tochetin de pan ‘l vegniva subito ciapà e frustà a sangue, e dopo i lo ciapava ‘n quatro zinque e i lo butava fòr dale porte dela zità; po’, fato sparir el segno dela miseria, che ‘l dava ombrìa e ‘l scombusolava ‘l stomego, i zitadini i feva grandi bancheti e i balava n’ piaza e ‘n te le contradele piene de bele robe.

‘N bel dì ‘n tanto che i siori i feva festa, s’è presentà sul canton dela piaza granda de Caldòn ‘n poro vecioto squerto da na mantelota sbusada e sporca; come che l’èra vegnù dentro nessun el lo saveva e mai se l’è savesto, perché le entrate dela zità le era tute serade. Zento man, ‘n te ‘n momentin i l’ha ciapà e i gà dato, poreto ‘n saco de bote spenzendolo verso ‘l porton dela tor en dove se butava zo le ‘mondizie ‘n fin che, poreto l’è na zo a rudolon ‘n mezo al sporco. Quando ‘l sé alzà sù, non senza fadighe, la ciapà la strada verso Sùsa: ma anca da lì l’è stà butà fora ‘n malo modo. ‘L vecioto no l’aveva nianca reagi, ma i so oci i aveva perso quel’ aspeto de dolceza e de bontà. L’è nà per na stradela, ‘n dove ghèra na casota mal tenuda e poreta e l’è nà dentro Na doneta con quatro popi ‘ntorno, la ghè va ‘n contra da ‘n canton scuro dela casota.

Ala so umile richiesta de ‘n tòco de pan, la gha dito:- el lo sa Iddio se vel daria, se ‘l gavesa! Ma gho geri finida l’ultima farina e no so gnanca come far per le me creature che le è senza”. “No ste penarve , dona, per i vossi tosati. La vardia nela credenza che magari ‘n ten canton ghè ancor qualcos…”

La Doneta la scorlava la testa; ma per farghe veder al vecioto che no ghera propri niente la se è svizinada ala credenza : ma lì, per dalbon la sbianchezava ‘n bel muciato de farina. Alor la dona l’ è nada verso ‘l vecioto, cascandoghe ‘n ginocio la ghe diseva “ Vecio, si benedeto nela me casota, perché te sei mandà dal SioreDio” e la gha fato ‘n bel toco de pan per elo e per i so tosati e ‘l vecioto lè restà lì anca a dormir con lori per quela note, e, prima de nar a butarse zo el gha dito de star atenta, e de serar ben la porta de casa anca se la sentiva rumori de acqua, de sasi, e anca zente che zigava, de star lì ferma coi so tosati e no vardar gnanca for dala finestra prima che ‘l sol lera ben alto”.

Quela note ‘nfati ghè sta nà bufera mai sentida - pareva la fin del mondo…

Tanta acqua, e po’ tanta, co la tera , i sasi la vegniva zo la portava via de tuto, no restava pu niente, la vegniva zo longo i fianchi del monte verso le zità de Sùsa e de Caldòn. Zighi de cristiani e versi de animai disperadi i roteva quel groso rumor de finimondo e ‘l pareva che no ‘l finissa pù. Ma verso l’alba tuto, pianpianel, l’è tornà quasi normale e quando l’è vegnu fòr ‘l sol, la pora dona l’è nada verso la so finestrela e ‘ndove ghera le do zità, che no le ghera pu, la vedeva na gran distesa de acqua scura e slisa. Le montagnote ‘n torno le era piene de canai e de frane; alberi e rami sporchi de paltan i èra dapertuto.

Piena de paura l’è nada verso la camerota dove ‘l dormiva ‘l vecioto: sora al saco de foie g’hera ‘n crocefiso. Da quel momento l’aveva capì, la sé mesa ‘n ginocio tuta ‘n te na lagrima la diseva le so orazion.

Le feride dei torenti e dele frane, poco ala volta le se è mese aposto: ghè vegnù su pian pianel anca erbete e sesoni e le acque no le era pu scure e slise ma del color del ziel palido del nosso lago de Caldonazo.