CAPITAVA TALVOLTA NELLE CASE CONTADINE...
TE L’O’ DITO TANTE VOLTE
Te l’ò dito tante volte
Che te vegne a ca’ bonora
Che se nò te sero fora
A dormire al ziel seren.
Te l’ò dito tante volte
Che preceti no ghe ‘n vòi
Ti va a leto coi tò fiòi
Che mi vegno quando vòi.
De magnar cosa me datu
Che la fame me tormenta
No gò pan no gò polenta
No gò gnente da magnar.
Eco ‘l solito discorso
Che me fa saltar la rabia
Cosa crèdetu che gabia
El tesor del Salomon.
Se te fessi manco ‘l mato
E che a l’orso no te nessi
Se a le carte no zugassi
Se poderia viver ben.
Tasi là bruta bardassa
Se no vòi che mi te faza
Se no vòi che mi te faza
Vegni rossa co’ ste man.
Ancor quela ghe voria
Che ‘l mè Tòni ‘me tocassa
E se nò potrò rifarme
Onge e denti gaverò
Nò papà no ste a la mama
Gnanca perderghe ‘l rispeto
Che pitòsto andremo a leto
Senza gnanca aver zenà.
Senti Tòni anca i tò fiòi
I te ‘nsegna a far giudizi
A lassar quel bruto vizi
Star a casa e viver ben.
Catarina de sta volta
Più no vago a l’osteria
te lo giuro in fede mia
Che vòi propri viver ben.